Biznes-uchrashuvdan keyin hisobingizga pul o‘tkazishmagan bo‘lsa, siz muloqot qilishni bilmaysiz

Playkey bulutli o‘yinlar platformasining asoschisi va rahbari Yegor Guryevdan samarali muzokaralar o‘tkazish bo‘yicha maslahatlar bilan tanishing.

Uchrashuv va muzokaralar – har qaysi biznesning ajralmas qismi sanaladi. Ular qanchalik muvaffaqiyatli va kuchli ta’sirga ega bo‘lsa, kompaniyaning taraqqiyoti shunchalik yuksaladi. Faqat masala shundaki, muzokaralar jarayonidan qanday qilib maksimal samaradorlik va istalgan natija olinadi?

Axloq qoidalari va shaxsiy tajribalar haqida uzoq vaqt suhbatlashish mumkin, ammo mening fikrimcha, yig‘ilish natijalariga ta’sir ko‘rsatadigan bir necha aniq qoidalar mavjud.

Birinchisi: muzokaralar maqsadini aniq tushunib olishingiz kerak. Ikkinchisi, uni tuzish masalan: “Uchrashuv kunining o‘zida yig‘ilishdan keyin qandaydir shartlar bilan shartnoma tuzamiz va pul qanchadir muddatda kompaniya hisobiga kelib tushadi”. Agar bunga ishonchingiz komil bo‘lmasa-da aynan shunday maqsadni qo‘ying va bu bo‘yicha ishlang.

Uchrashuvning yaxshi natijaga erishganiga misollar:

  • hisobingizga mablag‘ o‘tkazishdi;
  • ikki tomon shartnoma imzoladi;
  • sizga qaror qabul qiluvchi kishi bilan aloqa o‘rnatish imkoniyatini berishdi.

Uchrashuvning yomon natijasiga misollar:

  • suhbatdosh “men o‘ylab ko‘raman” deb gapini tugatdi;
  • sizdan qo‘shimcha axborot yoki taqdimot yuborishni so‘rashdi.

Uchrashuv ikkinchi variant ko‘rinishida bilan yakunlangan bo‘lsa, keyingi cheksiz urinishlar va qo‘ng‘iroqlaringiz befoyda. Bunday muloqotning samaradorligi so‘zsiz nolga teng.

Uchrashuv doirasida muloqot boshlanganidan keyin dastlabki uch daqiqada amalga oshiriladigan uchta asosiy bosqich mavjud:

1-qadam. O‘zingiz va loyihangizni aniq va tushunarli taqdim eting. “Salom! Biz Playkey.net’da biz kuchsiz uy kompyuteri o‘yin o‘ynashga imkon bermaydigan kishilarning muammolarini hal etamiz. Bundaylar bizning dunyomizda 1 mlrd atrofida”. Noaniq fikrni tarqatish hech qanday ma‘no bermaydi.

2-bosqich. Suhbatdoshga nega aynan unga murojaat qilganingizni tushuntiring. Uning muhimligiga urg‘u bering. “Sizga murojaat qilishimga sabab, siz qaysidir bir sohadagi yetakchi kompaniga rahbarlik qilasiz va qandaydir ishlarni amalga oshirgansiz”.

2-bosqich. Taklif. “Biz sizga har oy X mln ko‘proq daromad olishning ushbu usulini taklif etamiz”.

Umuman olganda, men og‘zaki “hayotiy hikoyalar” va maslahatlarga e’tibor bermaslikni tavsiya qilaman, ovozni sozlash uchun mushaklarni chiniqtirishdek gap. O‘zligingizcha bo‘ling, ikki tomonga ham foydali bo‘lgan taklifni bering.

Har bir tadbirkor muvaffaqiyatsiz uchrashuvlarni boshidan o‘tkazgan, lekin bu bilan faqat tajribasi boyigan. Agar dastlab ko‘p xato qilsangiz, tashvishlanmang. Kelajakda ular kamroq bo‘ladi. Xatoga yo‘l qo‘ysangiz, xulosa chiqaringiz va yo‘lingizda davom eting. O‘xshamayaptimi – qayta-qayta urinib ko‘ring. Malkolm Gladuellning “Daholar va autsayderlar. Nima uchun birida hamma narsa bor, boshqasida esa hech narsa yo‘q?” nomli kitobida istalgan kishi o‘z ishining ustasiga aylanishi mumkin, agar unga 10 000 soat sarflasa degan xulosa bor. Shunday ekan, hisoblashni boshlang!

______________________